雖腹大便便,但仍堅持每日做一小時瑜伽及教授瑜伽課,早前還着高踭鞋行騷,令老公擔心不已:「佢每朝都會同我講『你可以教瑜伽,做你鍾意做嘅事,但要記住你依家唔係一個人,係兩個人!』佢仲好多意見,又會睇住我食乜。我以前係食素,但醫生叫我要食少少肉,唔知係咪懷孕後口味唔同咗,鍾意咗食肉、意粉、Pizza同甜品,有段時間仲一日飲一杯珍珠奶茶!我都冇特別戒口,但要控制糖份。」

講到臨盆在即,醉心瑜伽的名模Rosemary坦言跟老公懷着開心又期待的心情,並已執好「走佬袋」,奶奶亦專誠來港照顧她,並已聘請陪月員幫手。她又指產後會繼續工作,並已接下廣告,但要在產後一個月拍攝,故分娩前已要努力收身。

談到對小朋友的期望,Rosemary表示無論對方做甚麼都會支持:「我唔會對小朋友好大期望,否則好易失望,最重要係佢健康同保持好奇心,以及開放嘅思想。(想佢同你一樣做模特兒?)唔會畀壓力佢。」她又指老公已有長遠計劃,將來有機會為小朋友而全家搬離香港。


 

 

 

 

(on.cc)

LEAVE A REPLY

Please enter your comment!
Please enter your name here