大陸電視劇《延禧攻略》有唔少感情線,演員喺劇外嘅愛情生活都受到關注,最近就傳出現年37歲飾演「富察皇后」嘅秦嵐有新戀情。

而對象竟然係細佢7年、拍過三級片嘅「御前待衞海蘭察」王冠逸添!不過喺劇中,王冠逸同「明玉」姜梓新深受劇迷喜愛,有網民笑言:「明玉怎麼辦?」

網民發現兩人拍拖「有迹可尋」,包括佢哋經常孖公仔出現,秦嵐好愛錫對方,成日帶住佢出席活動,感覺非常親密熟稔。又經常喺社交網晒愛,不時上載合照。而秦嵐曾喺綜藝節目講過接受姊弟戀,最多12年差距添!所以唔少網民都送上祝福,希望佢哋修成正果!

秦嵐雖然感情生活豐富,曾與黃曉明及明道傳過緋聞,與大自己10歲嘅導演陸川拍拖4年多但最後分手收場。

秦嵐曾在受訪時,透露有過一任天蠍座男友,兩人很有默契,也幾乎不會吵架,甜蜜說道:「天蠍座就是愛你的時候把你捧在手心上,不愛你的時候心比石頭還硬。」而黃曉明正好就是天蠍座,也加深外界揣測,他們的確曾是男女朋友。

其實秦嵐同王冠逸喺《延禧》前已經合作過兩次,但總共三次合作都冇感情戲,有人估計佢哋係拍《延禧》擦出愛火花!不過,秦嵐就否認戀上王冠逸,對方只係自己公司嘅藝人,所以作為老闆就好自然經常會帶埋對方一齊參加活動,而且大家都唔係對方杯茶!不過「皇后唔急網民急」,網民都好希望佢搵到自己嘅如意皇帝咁話!

(on.cc東網/ETTODAY)

LEAVE A REPLY

Please enter your comment!
Please enter your name here