今日係佢發生事故嘅三周年嘅日子,佢噚日就喺Instagram上載相片兼留言,佢透露呢三年度過咗艱難時刻及低潮,但同時亦都有令佢驚喜嘅歡迎時刻。不過佢就透露現時左手嘅情況越來越差,又指近日都有諗過係唔係要將手截肢,所以佢請求大家今年同佢一齊祈禱。

韓國樂團Royal Pirates嘅前成員James噚日30歲牛一,佢曾於隊中擔任低音結他手,不過因為大前年同朋友食飯時遭餐廳嘅門壓倒,造成左手腕組織壞死,James嘅左手面臨截肢,亦被迫放棄彈結他同埋退團,幸而佢冇放棄人生同埋音樂夢,現時積極治療左手傷勢,同時早前於Kickstarter發起眾籌,希望大家支持佢繼續圓音樂夢。
雖然左手情況唔多理想,不過James就冇消極,仲話多謝支持佢嘅人,同埋一路支持自己嘅家人同朋友,亦都感謝Kickstarter嘅捐錢人士,又預計7月、8月同9月都會好有趣,表示自己急不及待呢三個月來臨。

留言談及左手情況,並多謝大家一直嘅支持!

 

(apple daily)