最近有日本地產中介喺朋友圈放售疑似台灣天王周杰倫(周董)喺日本嘅豪宅,呢間豪宅位於日本原宿,根據平面圖睇總共有2層高,有巨型大廳同巨型廚房外,仲有個超大平台,究竟呢間豪宅有幾大呢?

 

裝修一流啊!

 

 

巨型客廳同大電視,望到都覺得好羡慕!

唔通呢個就係天王成日出入嘅厨房?

另一邊客廳~

答案係實用面積有成717.01平方米,即係大約7,718呎咁大,售價係26億8000萬日圓(約1.98億港元),唔怪得之網友就話1,000呎都買唔起啦。

不過呢間豪宅嘅賣點並唔係在於佢嘅裝修有幾豪華或面積有幾大,而係可以近距離見天王周杰倫一面,面對面簽約,到時仲可能攞到親筆簽名添!

但好多網友都質疑,既然畀得起接近二億,又點會諗唔到辦法見到佢呢?直情包場睇佢演唱會都得啦!


據知呢間日本豪宅周杰倫只係買入無耐,咁急賣出,網友都諗緊佢係咪等錢使呢?

昆凌 周傑倫的圖片搜尋結果

 

 

 

 

 

 

 

(綜合報道 / on.cc)