藝人林子善今年4月與女友Kary結婚,二人曾雖分手但火速復合並修成正果,不過近日就流出子善與一女藝人拍拖時的情慾短訊及錄音,更暗指子善出軌。子善輕鬆回應傳媒指自己頂天立地,亦獲老婆信任,澄清對方係喺二人分手真空期時出現,該女藝人非第三者。

翻查兩年半前紀錄,林子善出現感情真空期期間,曾與王晶旗下的藝人林莉嫻傳出緋聞,英文名Leslie的她,曾與子善合作拍攝電影《鴨王2》,當時林莉嫻為王晶力捧對象,拍攝《鴨王2》後旋即被安排拍攝《賭城群英會》,不過首日開工就失控大喊叫「我要返屋企」,未幾就指她因情緒問題,移居至外地生活!

林莉嫻(資料圖片)

記者聯絡王晶公司的經理人,對方表示林莉嫻已於去年解約,指對方未能承受做藝人的壓力,現在已移居英國過新生活及做模特兒。林子善以電話回應否認L小姐就是林莉嫻:「我同佢合作拍戲,傾偈都唔夠十句,之後都無再見面,希望大家唔好再估落去,我兩年前同L小姐拍拖,當時佢已經唔係呢個圈,我講名你哋都唔會記得係邊個!」子善再三表示不希望大家再猜測下去,以免影響其他人!

另外,有指L小姐是曾與子善傳緋聞的歌手黃思迦,她與林子善均否認。

正印林太Kary今日就喺社交網發功,甫上同子善嘅煙韌合照,講到明唔會因為此事受影響,力撐老公之餘,仲勸女方早日放低添:「有我喺到Support you唔使擔心 雖然你成日亂噏 但好在一向互相坦白💕多謝各位關心同緊張我哋呀💕唔會因爲咁少嘅事影響到我哋💕畢竟已經兩年前嘅事,亦希望__都早啲放低啦」

林子善老婆Kary力撐老公坦白,唔會因為咁小事而受影響。(instagram圖片)

林太Kary回覆傳媒時語氣溫和,心情似未受影響,又明言一早就知:「多謝晒大家嘅關心呀!我同子善都好好,都唔會因為呢件事影響到我哋兩個感情嘅,其實一早我已經知道呢一件事,所以外間都唔需要有太多嘅猜測。」

 

 

(on.cc)