藝人張文慈(Pinky)自小在單親家庭長大,父親為口奔馳,二人相聚時間不多,留在她腦海的回憶,最難忘是一家人到主題公園耍樂。

為重溫快樂時光,Pinky近日搵到「借口」,與家人重遊舊地!

她笑說:「咁啱我後母同弟婦生日,咪成家人去行吓、食吓嘢囉。好記得我細個嗰時去主題公園,知道要搭覽車就會喊,直至依家我都好細膽,唔係好敢玩機動遊戲,不過能夠同屋企人一齊,真係好開心。」

近年父親減少出門遠行,最多只會飛往台灣探望已移居當地的長女。Pinky說:「我終於同爸爸傾掂,佢肯跟我去旅行,我計畫明年中同佢去坐郵輪歎吓世界,依家開始搜集資料,初步想去沖繩,好期待同爸爸有次愉快嘅旅程。」真係孝順女!

睇見佢哋一家人難得相聚,仲玩得咁開心,都有啲想約屋企人嚟個Gathering〜

 

(on.cc / Weibo)